عمل ايه دلوقتي ؟؟؟؟

عدد الرسائل : 28 تاريخ التسجيل : 06/04/2008

اعمل اية دلوقتى يا رب
جوايا احساس ناحيتك بالذنب
كل صلاتى ليك مابتخلاش من عتاب
كل يوم ازعل والومك على اتفة الاسباب
وكانة حق اكتسبته وكانك مش رب الارباب!!!!!!

ياااااااه يا رب بجد على دى بجاحة
ازاى بعد دة كلة بانام وانا مرتاحة
ازاى قلبى يطاوعنى ويجرحك كل يوم
ازاى الومك واعاتبك وانا اللى عليا اللوم

بجد قسوة فى حياتى زيها ماشفتش
والاغرب حنيتك عليا اللى فى جمال طعمها ماذوقتش

غريب انت يا رب فى صبرك عليا
غريب محبتك ليا وانا مليانة انانية

تكون بتحبنى لشخصى وانا مش عارفة
اصلى بابص حواليا وغيرى مش شايفة

انا كمان بحبك اوى يا رب
رغم خجلى وكسوفى واحساسى بالذنب

انا بكلمك وعارفة ان ماليش عندك اى عذر
بس اعتمادى على محبتك اللى مابتعرفش ابدا تضر

عايزة اتكلم واتكلم ومابطلش كلام
عايزة قبل ما اسيبك امتلىء بالسلام

عايزة ضمة لصدرك تملانى امان
عايزة اقولك بحبك لحد ما عنيا تغمض وتنااااااااام